Pata programu za rununu za bure

Pata habari mpya kutoka kwetu kwenye programu zetu.

Download app from Android Download app from Apple

Kutoka koroboi hadi taa za sola Ziwa Victoria

Get monthly
e-newsletter

Kutoka koroboi hadi taa za sola Ziwa Victoria

UN News
12 June 2020
By: 
Taa za sola zinapatiwa chaji badala ili zitumiwe na wavuvi badala ya koroboi za mafuta ya taa. Mradi huu umepata ufadhili wa UNEP, Tanzania.
Taa za sola zinapatiwa chaji badala ili zitumiwe na wavuvi badala ya koroboi za mafuta ya taa. Mradi huu umepata ufadhili wa UNEP, Tanzania.
UN Tanzania

Sasa mradi unaoungwa mkono na shirika la mazingira la Umoja wa Mataifa,  UNEP nchini Tanzania utasaidia wavuvi kuondokana na matumizi ya koroboi na badala yake watatumia taa za sola!

Nchini Tanzania shirika la mazingira la Umoja wa Mataifa, UNEP limesaidia juhudi za kusambaza nishati jadidifu kwa wavuvi ili kupunguza uchafuzi wa mazingira utokanao na uvuvi wa kutumia koroboi za mafuta ya taa katika Ziwa Victoria mkoani Mwanza.

Mkurugenzi wa kampuni ya Millennium Engineers Diana Mbogo, ambao ni wanufaika wa mradi wa UNEP amemweleza Ahimidiwe Olotu wa kituo cha habari cha Umoja wa Mataifa jijini Dar es salaam manufaa ya taa hizo za sola,“ziwa Victoria hutoa hewa ya ukaa kiasi kikubwa kuliko hata taifa la Burundi kutokana na uvuvi unaotumia koroboi na mafuta ya taa. Sasa kutumia sola kunamaanisha kuwa, hewa ya ukaa haichafui tena mazingira. Tunaepusha tani nyingi za hewa ya ukaa isirudishwe tena kwenye mazingira kutokana na kutotumia yale mafuta ya taa. Kwa hiyo wakati anatumia teknolojia hii anakuwa anaokoa mazingira wakati huo.” 

Hivi sasa wanashirikiana na serikali kuanzia za mitaa hadi za mkoa ili kuelimisha jamii za wavuvi hususan zile zilizo pembezoni zaidi kuhusu umuhimu wa teknolojia hiyo.

Na kuhusu mgao wa taa hizo, Bi. Mbogo amesema kuwa, “kwa sasa hivi tulikuwa tunawafikishia kwa pamoja na mwaka huu ni awamu ya majaribio ili kuona je wataipokeaje hii teknolojia napia wataitumiaje na pia njia mbalimbali ambazo wanaweza kutumia kwa njia rafiki Ili tuweze kukaribisha sekta binafsi na serikali ili waweze kufanya kazi kwa pamoja kupitia mianya sahihi ya kibiashara.”

Lengo namba 7 la malengo ya maendeleo endelevu, SDGs, linataka kuwepo kwa teknolojia nafuu za nishati kama vile jadidifu ili wananchi waweze kumudu na hatimaye wachangie katika kupunguza utoaji hewa chafuzi kama ya ukaa na hatimaye kulinda tabianchi.

UN News
More from this author