KI SA MICIVIH YE ?

MICIVIH vle di: Misyon Sivil Entènasyonal an Ayiti. Se nan mwa fevrye lane 1993, sou demann prezidan Aristid ak nan kad efò Kominote Entènasyonal-la tap fè pou rezoud krIz peyi d Ayiti a, Oganizasyon Nasyonzini (ONU) ak Oganizasyon Leta Ameriken (OEA) te kreye li.

Depi dat sa-a, li te blije kite peyi-a de fwa: nan mwa oktòb 1993 ak jiyè 1994 pou rezon sekiritie. Misyon-an rekòmanse travay nan peyi-a depi 26 oktòb 1994.

KI OBJEKTIF LI ? An gwo, objektif Misyon-an se fè respekte dwa moun, espesyalman dwa sivil ak politik, selon jan sa ekri nan kontitisyon peyi-a ak nan tout lòt dokiman dwa entènasyonal peyi Dayiti te siyen

KI KALITE MOUN KI LADAN L?

[MICIVIH gen 64 obsèvatè ki soti nan plis pase 50 nasyon epi ki gaye nan tout peyi-a. Gen 7 ekip MICIVIH pou 9 depatman peyi-a. Ekip Nò a kouvri Nòdès ak Nòdwès.]

MICIVIH resevwa lòd:

• pou li voye je sou dwa chak moun genyen pou li viv, gen sekirite pou kò li, viv lib, pale san kè sote, epi asosye tèt li ak moun li vle.





• chèche konnen kòman sityasyon dwa moun ye nan peyi-a epi fè tout sa li kapab pou li fè respekte dwa sa yo, tankou fè bon jan rekòmandasyon bay otorite yo.





• ede jwenn solisyon nan pwoblèm ki gen rapò ak moun yo mete nan prizon.





• voye je sou ka vyolasyon dwa moun, epi ede Leta bay bon jistis e pini koupab yo epi bay tout ONG kap kore jefò Leta nan aktivite edikasyon sivik, konkou yo merite san bliye ankouraje respè dwa fanm ak timoun. Anfen, ankouraje patisipasyon sosyete sivil la nan zafè peyi l.

MICIVIH gen pouvwa pou li:

• resevwa enfòmasyon sou vyolasyon dwa moun nan men nenpòt ki moun, gwoup moun oubyen kèlkeswa òganizasyon kap fonksyone nan peyi-a.







• ale nenpòt kote ak nan nenpòt biwo nan peyi a san pèson n pa akonpaye l epi san okenn avètisman.

• reyini lib oubyen nan sekrè avèk nenpòt ki moun, gwoup oubyen manmn kèlkeswa enstitisyon-an.







• eseye jwenn, pa tout mwayen li panse ki bon, tout enfòmasyon li jije itil.







• ede pouvwa jidisyè-a mete dyanm mwayen lajistis dwe gen nan men li pou-l garanti respè dwa moun ak respè pwosedi jiridik-yo.

OTORITE PEYI-A ?

Selon sa ki di nan manda MICIVIH a, otorite peyi a pran angajman pou yo bay Misyon-an tout fasilite li bezwen ak tout enfòmasyon li mande. Epi otorite yo pa gen dwa bal pwoblèm nan kad travay li.

Yon lòt bò, otorite ayisyen-yo pa gen dwa arete ni fèmen nan prizon okenn anplwaye Misyon-an, ni sezi pyès ak dokiman li gen nan men l, ni tou anpeche li kominike avèk radyo oubyen tout lòt mwayen kominikasyon.

Otorite-yo pa gen dwa tou anpeche manm Misyon an deplase nan tout peyi-a ni anpeche yo vizite prizon yo.

Poun fini, Misyon-an fèt pou li bay otorite ayisyen-yo bon jan konsèy sou tout keksyon ki rantre nan kad manda li.

KI DIFERANS KI GENYEN ANT MICIVIH AK MANUH ?

MICIVIH genyen yon manda ki pa menm ak pa MANUH a. MANUH gen ladan l militè ak polis sivil, alòske MICIVIH gen sivil sèlman ladan l. Sepandan, MICIVIH ap travay nan bon jan relasyon avèk MANUH. Menm jan avèk MANUH, se Reprezantan Espesyal Sekretè Jeneral Nasyonzini-a ki ap sipèvize MICIVIH tou.

Biwo santral MICIVIH chita nan Kalfou Wout Delma ak Delma 31. MICIVIH gen biwo tou nan:

. Gonayiv 98, rue Jean Jacques Dessalines Tel: 74-0645 . Okay 162, rue Sténio Vincent Tel: 86-0190 . Okap Villa Norma Rue 11-P Tel: 62-1600 . Jeremi Foyer Culturel Tel: 84-6706 . Ench 35, rue Calvaire . Jakmèl rue Baranquilla Tel: 88-2678

Si yon moun bezwen plis enfòmasyon sou biwo sa yo, li ka rele nan:

23-4027

23-4044

RESPEKTE DWA MOUN

MICIVIH

Misyon Sivil Entènasyonal an Ayiti, OEA/ONU

P.O. Box 1602

Port-au-Prince

HAITI